Kashif Hafeez Siddiqui

قبر اقبال سے آرہی تھی صدا

In pakistan on August 17, 2009 at 7:26 pm

By Aagha Shorish Kashmiri

پھول لے کر گیا آیا روتا ہوا،Iqbal 2

بات ایسی ہے کہنے کا یارا نہیں،

قبرِ اقبال سے آرہی تھی صدا،

یہ چمن مجھ کو آدھا گوارا نہیں۔

شہرِ ماتم تھا اقبال کا مقبرہ،

تھے عدم کے مسافر بھی آئے ہوئے،Iqbal 3

خوں میں لت پت کھڑے تھے لیاقت علی،

روحِ قائد بھی سر کو جھکائے ہوئے،

کہہ رہے تھے سبھی کیا غضب ہوگیا،

یہ تصّور تو ہر گز ہمارا نہیں۔

سرنگوں تھا قبر پہ مینارِ وطن،Iqbal 4

کہہ رہا تھا کہ اے تاج دارِ وطن،

آج کے نوجواں کو بھلا کیا خبر،

کیسے قائم ہوا یہ حصارِ وطن،

جس کی خاطر کٹے قوم کے مرد و زن،
Dia
اُن کی تصویر ہے یہ مینارہ نہیں۔

کچھ اسیرانِ گلشن تھے حاضر وہاں،

کچھ سیاسی محاشے بھی موجود تھے،

چاند تارے کہ پرچم میں لپٹے ہوئے،

چاند تاروں کے لاشے بھی موجود تھے،Iqbal

میرا ہنسنا تو پہلے ہی اک جرم تھا،

میرا رونا بھی ان کو گوارا نہیں۔

کیا فسانہ کہوں ماضی و حال کا،

شیر تھا میں بھی اک ارضِ بنگال کا،

شرق سے غرب تک میری پرواز تھی،

ایک شاہیں تھا میں ذہنِ اقبال کا،

ایک بازو پہ اڑتا ہوں میں آج کل،

دوسرا دشمنوں کو گوارا نہیں۔

یوں تو ہونے کو گھر ہے، سلامت رہے،

کھینچ دی گھر میں دیوار اغیار نے،Iqbal 5

ایک تھے جو کبھی آج دو ہوگئے،

ٹکڑے کر ڈالے دشمن کی تلوار نے،

دھڑ بھی دو ہوگئے در بھی دو ہوگئے،

جیسے کوئی بھی رشتہ ہمارا نہیں۔

قبر اقبال سے آرہی تھی صدا

یہ چمن مجھ کو آدھا گوارا نہیں۔

 

Advertisements
  1. Zabardast

  2. Asalamoalikum her kisi ko apni apni jagha soch samaj kar achay amal karna hon ge, Doosron ki galatiyan tu asani se nazar aati han lakin apney Gereban main kam log dekhtey han aur apni galatiyon ko door kartey han Allah aur Us k sub se Peyarey Rasool Hazrat Mohammad PBUH ko kya amaal pasand han wo amaal karo Firqa Prasti ko hawa na do, Larkon/Boys/Bhaiyon and Gils/Larkiyon/Behnon se request hey Nimaz, Sabar Quran aqal se Allah se madad chaho aur naik Amaal karo Hamesha, Allah Hafiz

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: