Kashif Hafeez Siddiqui

کیفر کردار

In Books & literature on August 24, 2009 at 7:17 am

کیفر کردار

﴿عالم اسلام میں پیدا شدہ کشمکش دین و مادیت کے درمیان ایک طبقے کا طرز فکر﴾

یہ کس نے الاپا ہے یہاں نغمئہ الہام؟

یہ کس نے سنایا ہمیں اسلام کا پیغام؟

                        پکڑو انھیں! یہ کون ہیں سرگشتئہ اوہام!

                        __________انہیں دار چڑھا دو !

فرسودہ سی اک بات نکالی ہے انہوں نے

مذہب میں سیاست بھی ملالی ہے انہوں نے

کیوں رنگ میں بھنگ آکے یہ ڈالی ہے انہوں نے

                        ہر قول پہ تعریض ہے، ہر فعل پہ الزام !

                        __________انہیں دار چڑھا دو !

ہر چھلنی میں چھانے گئے افکار ہمارے

سوچھا جوں میں پھٹکے گئے کردار ہمارے

سوکانٹوں پہ تولے گئے”شہکار”ہمارے

عزت کے گریبان ہوئے تار ہمارے

کیوں بزم میں کھولے گئے اسرار ہمارے

                        ہم لوگوں کی توہین جو کرتے ہیں سرعام!

                        __________انہیں دار چڑھا دو !

یہ لوگ ہیں مست مئے پندار تقدس!

کندھوں پر لیے پھرتے ہیں انبار تقدس!

جیسے کہ یہی لوگ ہوں معیار تقدس!

سوڈھنگ سے کرتے ہیں یہ اظہار تقدس!

                        جو بات یہ کرتے ہیں ہمیں لگتی ہے دشنام!

                        __________انہیں دار چڑھا دو !

جیسے کہ بہت اچھے مسلمان نہیں ہم!

جیسے کہ قتیل غم ایمان نہیں ہم!

جیسے کہ پیمبر﴿ص﴾کے ثناخوان نہیں ہم!

                        تنقید کریں لوگ تو ہم ہوتے ہیں بدنام

                        __________انہیں دار چڑھا دو !

یوں دور نبوت کو ہمیں یاد دلانا

قرآں سے ہمیں چھانٹ کے آیات سنانا

خورشید کو یوں لے کے دئیے تارے دکھانا

                        سودائی ہیں یہ لوگ ! یہ سودا ہے بڑا خام!

                        __________انہیں دار چڑھا دو !

جیسے کہ میں کچھ حق تعبیر نہیں ہے

اپنے لیے یاں منصب تفسیر نہیں ہے

جیسے کوئی گنجائش تغییر نہیں ہے

اسلام ہے ملاؤں کی جاگیر نہیں ہے

                        گستاخ سناتے ہیں ہمیں معنئ احکام!

                        __________انہیں دار چڑھا دو !

یہ اپنی کسی بات پہ”آمیں”نہیں کہتے

آمیں نہ سہی! ایسے میں چپ بھی نہیں رہتے

جو آتی ہیں کہ جاتے ہیں ہر ظلم کو سہتے

پھر پیروجواں سارے اسی رومیں ہیں بہتے

                        اس طرح سے ہوجاتی ہے فتنے کی وبا عام

                        __________انہیں دار چڑھا دو !

دراصل یہ ہم لوگوں کی تکفیر ہے لوگو!

خود اپنے سوا اوروں کی تحقیر ہے لوگو!

ملت کی تباہی کی یہ تدبیر ہے لوگو!

                        یہ جن کی بھی تدبیر ہے ، کردوا سے ناکام!

                        __________انہیں دار چڑھا دو !

ہم لوگ قدم آگے بڑھائیں تو گناہی!

کلچہ کی کوئی بزم سجائیں تو گنا ہی!

مینا کو پیالوں پہ جھکائیں تو گناہی!

ناچیں تو خطار ہیں، گائیں تو گناہی!

“لیڈیز”کو میدان میں لائیں تو گناہی!

جمہور کو تہذیب سکھائیں تو گناہی!

مذہب سے سیاست کو چھڑائیں تو گناہی

اسلام پہ گر وعظ سنائیں تو گناہی

جو دل میں ہے وہ لب پہ جو لائیں تو گناہی

                        کم ظرف ہے کس درجہ یہ ملاؤں کا اسلام!

                        __________انہیں دار چڑھا دو !

تسلیم ہے! مست مئے افرنگ سہی ہم

تہذیب میں اغیار کے ہم رنگ سہی ہم

ماحول کے فتنوں سے ہم آہنگ سہی ہم

                        یہ لوگ سمجھتے نہیں کیوں رتبہ حکام!

                        __________انہیں دار چڑھا دو !

بس بزم سیاست میں ہے اسلام خطرناک

یہ نام خطرناک ہے ! یہ نام خطر ناک

اس نام سے ہوتا ہوتو کام خطرناک

                        اس نام سے جو لوگ کریں کوئی بھلا کام!

                        __________انہیں دار چڑھا دو !

محبوس تھا کل اپنی روایات میں اسلام

اب ٹانگ اڑاتا ہے ہر اک بات میں اسلام

خطبات و تقاریر وبیانات میں اسلام

خبروں میں، صحافت میں، مقالات میں اسلام

فریادوں میں اسلام، شکایات میں اسلام

افسانوں میں ،شعروں میں حکایات میں اسلام

تعلیم و تمدن کے ادارات میں اسلام

داخل ہوا کلچر کی عمارات میں اسلام

آپہنچا محل تک کے مضافات میں اسلام

گھسنے کو ہے محفوظ مقامات میں اسلام

                        اب روک لو اسلام کے “دیوانوں”کا اقدام

                        __________انہیں دار چڑھا دو !

Advertisements
  1. Assalamoalaikum, Although I read the first paragraph the font is too small to read…

    • Kindly help & guide me how can I increase, I am failed to find option.

      Jazak Allah

      Kashif Hafeez

  2. Yea it is way hard to read.

  3. Jazak Allah

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: